මදුරු කරදරේ ගැන අමුතුවෙන් කියන්න ඕනි නැහැනේ. මම මේ සටහන ලියන අතරතුරෙත් දෙතුන් පාරක්ම මදුරුවෝ රෑනක් කන ලගින්ම පියෑබුවා. (රෑනක් කිවුවට ඉතින් මදුරුවෝ ගමන් යන්නේ තනි තනියෙන්) ඉතින් මේ දවස්වල අපි කථා කරමින් ඉන්නේ 555 අයි.සී. එක ගැනනේ. අද මම විස්තර කරන්න යන්නේ 555 අයි.සී. එක යොදාගෙන අධි සංඛ්‍යාත වර්ධකයක් නිපදවා ගන්නා ආකාරය සම්බන්ධවයි. ඉතින් මේ පරිපථය මේ වෙනකන් අත් හදා බැලුවේ නම් නැහැ. හැබැයි මේ ලිපිය ලියන්න කලින් මම අන්තර්ජාලයෙන් මේ සම්බන්ධව පරීක්ෂා කරද්දී, ඉලෙක්ට්‍රොනික් ෆෝරම් කිහිපයකම මේ හා සමාන පරිපථ සම්බන්ධයෙන් විවිධ අදහස් ඵල වෙලා තිබෙන බව නම් පෙනී ගියා. එයින් වැඩි හරියක්ම ප්‍රතිඵලදායී බව ඔප්පු කර තිබුණ නිසාවෙන්මයි මේ පර්පථය මෙසේ ඉදිරිපත් කරන්නේ.
 |
| 555 අධි සංඛ්‍යාත වර්ධකය |
පසුගිය ලිපියෙන් ඉදිරිපත් කළ Astable Muiltivibrator පරිපථයම සුළු වෙනස් කම් කීපයකට භාජන කිරීමෙන් මෙම පරිපථය ගොඩ නගා ඇති බව ඔබට පෙනී යනවා ඇති. එසේම මීට කලින් ඉදිරිපත් කල එල්.ඊ.ඩී දෙකක් සහිත මල්ටිවයිබ්‍රේටර් පරිපථය වෙනස් කරගැනීමෙන් වුවද මෙවැනි උපකරණයක් ගොඩ නගා ගත හැකියි. මෙය මගින් කිලෝ හර්ට්ස් 17ත් 24ත් අතර සංඛ්‍යාතයකින් යුත් ශබ්ධ තරංගයනුයි පිට කෙරෙන්නේ. හර්ට්ස් 20-20,000 අතර ශබ්ද තරංගයන් මිනිස් කනට සංවේදී වුවත් මෙයින් පිටකරන ශබ්දය සමහර විට ඔබට නෑසෙන තරම් විය හැකියි. කෙසේ නමුත් මගේ මිත්‍රයකු සතුව මේ හා සමාන උපකරණයක් තිබූ අතර එය යම් තාක් දුරකට මදුරුවන් පළවාහැරවීමට සමර්ථකමක් දැක්වූ නමුත් එයින් පිටවුණ සියුම් ශබ්දය මදුරුවන්ගේ නාදයටම සමාන ඉතා අමිහිරි එකක් වූ වග නම් කිව යුතුය.
0 comments:
Post a Comment